تف على شواربنا اي والله
شلة حثلگية مگطمين حولوا حياتنا الى جحيم من ٢٠٠٣ ولحد الان ٠
مرجعيات عدنا
خطوط حمر وتيجان روس عدناحشد ومكافحة ارهاب وجيش وشرطة ومخابرات عدنا
سلاح بگد الكعبة عدنا
نعرف نطلعه بالعراضات وفوز المنتخب ونحرگ الدنيا على بَعضنا بعركات العشاير ٠
كل مقومات القوة نملك
لكننا نتصرف بضعف وانهزام عجيب ٠
شنو فايدة احرر ارض وأخسر شباب في جبهات لا تريدني
وتارك عاصمتي واطفالي عرضة لمفخخات الأحزمة الموبوءة
وخلايا نضحك على نفسنا نسميها نائمة!!
عدونا مو بالموصل ولا بالفلوجة
عدونا مو الشيشاني ولا الافغاني
عدونا عراقي ياكل دولمة ولهجته مثل لهجتنا،، لحيته حليقة وما يلبس دشداشة گصيرة!!
هو ببساطة شديدة عدو عرف مكامن ضعفنا٠
چلمتين من قناة الشرقية تهز كياننا
بوست في الفيس بوك لوحدة گحبة من الأعظمية تمسح بكرامتنا الارض وزواحفنا يجاوبونها سيدتي الكريمة ٠
سيارة مموهة بالبضائع ومن تحتها أطنان المتفجرات وشرطينا ملتهي مكنك ويسولف وية صاحبته٠
انتحاري يمر من السيطرات ويضحك على جندينا بكلمة الله يعينكم خوية٠
ذباح بمحامية شاطرة تجيد نزع لباسها بسرعة على سرير المحقق والقاضي لتحصل على براءة موكلها٠
اوكار وبيوت تفخيخ يؤجرها اَهلها لمن هب ودب شرط ان يكون مبلغ الايجار دسماً٠
قادة وتيجان روس يتاجرون ويغامرون بدماء سكنة التجاوز ويزجون بهم في حروب خارج حدود بلدهم او مدنهم البائسة٠
ورق اخضر وسهرات وليالي حمراء لتضع درزن من ضباط المخابرات والأمن الوطني بجيبك وتحرگ البلد٠
حواشي حقيرة تحيط بكل أهل الحل والعقد من اكبر مرجع دين الى اصغر واتفه مدون فيسبوكي ٠
لن تنتهي سلسلة نقاط ضعفنا ومكامن هلاك الأغلبية التي تمتلك كل شيء الا شجاعة الاعتراف ومبادرة التصحيح٠
0 التعليقات :
إرسال تعليق